長時間戴口罩侷到生暗瘡 7大暗瘡位置反映身體健康警號
近日經常戴口罩，容易引起刺激皮膚，增加過敏、暗瘡等皮膚問題。長期戴口罩是導致生暗瘡的導火線!!
根據《黃帝內經》有關面部分侯臟腑的法則，面上的不同部位反映體內各個臟腑的狀況:
7 大暗瘡位置含義
前額暗瘡
與心陽偏亢有關，暗瘡以色紅丘疹為主，患者多伴精神緊張，心跳心慌，口乾舌痛，睡眠質素差
鼻頭暗瘡
與脾熱有關，暗瘡紅腫熱痛，伴膿疱，面油多，患者常有作嘔或嘔吐，口乾，身熱汗出，腹脹，胃口差
鼻翼暗瘡
與胃火熾盛有關，暗瘡紅腫熱痛，伴膿疱，面油多，患者可伴有牙齦腫痛，易出血，口臭，常有飢餓感，大便秘結
左側面暗瘡
與肝熱上攻有關，暗瘡色偏紅，以粉刺、丘疹為主，常於月經前加重，而且月經周期不定，患者多有精神緊張，易發脾氣，頭痛，胸悶肋脹，口乾口苦
右側面部暗瘡
與肺火上炎有關，暗瘡痕癢、疼痛，顏色鮮紅，患者常有口咽乾燥，咳嗽痰黃，大便不暢
兩側顴骨下方暗瘡
與大腸鬱熱有關，暗瘡紅腫，易發膿頭，患者常伴有腹脹腹痛，肛門灼熱，大便乾硬
下巴暗瘡
與腎虛火旺有關，較多見於內分泌失調的患者，暗瘡多為色暗粉刺，偶有膿頭，患者多伴腰痠，耳鳴，心煩，睡眠欠佳
8 個除暗瘡要點
疫情持續，出街唔可以唔戴罩，但又唔想生暗瘡。
到時畀同事朋友見到咪好樣衰？戴罩但要防暗瘡，其實都有辦法！
1 盡量避免長時間佩戴口罩，在低風險環境下可以脫下口罩。
2 同一個口罩亦不應長期使用，每隔3至4小時就需要更換。
3 如果對某款口罩出現過敏，應馬上停用，並轉用其他。
4 可以嘅話，選用立體設計或防敏型或保濕型嘅口罩，口罩內多啲空間，減少刺激皮膚。
5 日常使用保濕產品護膚，保持皮膚水油平衡。如發覺皮膚勁出油，日常護膚使用具控油功效嘅產品，減少面油。
6 最好唔好化妝。
7 每日返到屋企除低口罩後，做好潔膚工序，徹底清潔皮膚，去除污垢。另外，每星期一至兩次深層清潔，去角質、暢通毛孔。
8 為免暗瘡惡化，咪唔理佢。塗適量具消炎作用嘅暗瘡產品，加強殺菌消炎，消除紅腫脹痛不適感。